എസ്.എസ്.എൽ.സി ഐ.ടിപ്രാക്ടിക്കൽ പരീക്ഷ ഒഴിവാക്കി: പി.എസ്.സി അഡ്വൈസ് മെമ്മോ ഓൺലൈൻ വഴി നൽകുന്ന കാര്യം പരിഗണനയിൽ

എസ്എസ്എൽസി ഐടി പ്രാക്ടിക്കൽ പരീക്ഷ ഒഴിവാക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. ഹയർസെക്കൻഡറി, വൊക്കേഷണൽ ഹയർ സെക്കൻഡറി പരീക്ഷ ജൂൺ 21 മുതൽ ജൂലൈ ഏഴ് വരെ നടത്തും. എസ്എസ്എൽസി മൂല്യനിർണയം ജൂൺ 7 മുതൽ 25 വരെ നടത്തുമെന്നും മുഖ്യമന്ത്രി വാർത്താസമ്മേളനത്തിൽ അറിയിച്ചു.

 മൂല്യനിർണയത്തിന് പോകുന്ന അധ്യാപകർ വാക്സിൻ എടുക്കണം എന്നും മുഖ്യമന്ത്രി നിർദ്ദേശിച്ചു . ആരോഗ്യ വിദ്യാഭ്യാസ വകുപ്പുകൾ ഇക്കാര്യം കൂട്ടായി ആലോചിക്കും. പി എസ് സി അഡ്വൈസ് കാത്തിരിക്കുന്നവർക്ക് ഓൺലൈൻ ആയി നൽകുന്ന കാര്യം പി എസ് സി യുമായി ചർച്ച ചെയ്യുമെന്നും അദ്ദേഹം കൂട്ടിച്ചേർത്തു.